تعلمت فى مدرسة (الغش على أصوله) الإبتدائية
وطبعا (المدرسه ) تفضل تنحر فينا طول السنه وتدينا واجبات عجيبه بكميات كبيره
وخصوصا المربعات السحريه
وافضل الم البيت كله بابا وماما والجيران
عشان يحلوا معايا المربعات السحريه
..وياسلام
وفضلت المدرسه العجيبه دى تدينى التلات سنين الاولي ف الابتدائيه
وانا من سنه اولي قاعده اصبر ف نفسى واقول تعالي ع نفسك يابنت السنه دى وخلاص
وانشاء الله هتعدى بسرعه
وجيت السنه اللى بعدها واتصدمت
واللي بعدها والله كده حرااااااااااااااااام
يا رب الناس كبيره وصغيره بتموت ومدرستى اللي خلاص العنكبوت عشش في مناخيرها لسه عايشه
ليه بس كده ياربي هو انا عملت ايه ف حياتى وحش
دا انا لسه لا رحت ولا جيت لسه معملتش حاجه يعني طفله ف 3 ابتدائى ذنبها ايه بس ياعالم
؟؟؟؟؟؟؟؟؟؟؟؟؟؟؟؟؟؟؟؟؟؟؟
حد يفهمنى
وعليها........
وكملت بقيه سنين الابتدائيه مع كوكتيل من المدرسين
عشرين مدرس وعشرين ماده
فجأه كده ... خير الله اما اجعله خير
اول ماتدخل 4 ابتدائى يبقي هيجيلك سكته قلبيه من كتر المواد وكتر المدرسين
لما خلاص حسيت ان الدنيا بتعاندنى فعلا
وصعدت إلى مدرسة (هتيجى الدرس وللا تسقط) الإعداية..
وبعد توفيق من الله
انتقلت إلى مدرسة (احفظ.. عشان محدش فاهم حاجة) الثانوية
..
وصعدت إلى جامعة (هتتخرج تعمل إيه؟ ؟)
(كلية (زيها زى غيرها
. لأكتشف بعد تخرجى أننى قضيت خمسة عشر عاما من الوهم التعليمى
وذلك بعد أن اكتشفت أننى لم أعد أحفظ جدول الضرب لأنه كان مقررا علينا فى الابتدائية فقط
والمربعات السحريه
اه والله جابتلى عقد نفسيه
يلا ماعلينا.......
تخرجت من الجامعة وأنا أحمل فى خيالى أحلام العظماء..
وكيف أننى سأغير وجه التاريخ
.. وحينما استيقظت من خيالى على صوت الواقع المرير أنا وجيلى..... وعشرة أجيال أخرى قبلنا..
عرفت أن كلام الحكومة مدهون بزبده
وطبعا عاصر تـــــــــــــــــــــــــــــــــــــــــــــــــم معايا
شعار الحمله القوميه
.. "نتعلم كلنا.. نشحت كلنا"
ومعرفه قليله تمنع بلاوى كتيره
للأسف :(
ردحذفذكرتيني بجدول الضرب لم أكن أحفظه أبدا
ولا أحب مادة الرياضيات أصلا